გენერალ ასლან აბაშიძის ქუჩაზე მოძრაობა იზღუდება

დღეიდან 1 თვის განმავლობაში საავტომობილო მოძრაობა იზღუდება გენერალ ასლან აბაშიძის ქუჩაზე, ჟიული შარტავას გამზირის კვეთიდან მამია ვარშანიძის ქუჩის კვეთამდე. ინფორმაციას ამის შესახებ "ბათუმის ავტოტრანსპორტი" ავრცელებს. 

"სატრანსპორტო მოძრაობის შეზღუდვა აღნიშნული ქუჩის, ასევე გენერალ ასლან აბაშიძის I ჩიხის კეთილმოწყობის სამუშაოებს უკავშირდება.

შეზღუდვის პერიოდში, N15 მუნიციპალური ავტობუსი გენერალ ასლან აბაშიძის ქუჩის ნაცვლად ვახტანგ შამილაძის ქუჩის გავლით იმოძრავებს"- წერია კომპანიის მიერ გავრცელებულ განცხადებაში