მწვანე კონცხის მიმართულებით წყალმომატაგების სისტემის ახალი ქსელის მოწყობა დაიწყო

მწვანე კონცხის მიმართულებით  წყალმომარაგების სისტემის ახალი ქსელის მოწყობა დაიწყო. ინფორმაციას ბათუმის მერია ავრცელებს. უწყების ცნობით, სამუშაოების დასრულების შემდგომ, 24 საათიანი უწყვეტი წყალმომარაგებით 500-მდე ოჯახი ისარგებლებს.

"პროექტი ითვალისწინებს 1000 კბ.მ რეზერვუარის, საწნეო ხაზის, სატუმბი სადგურისა და გამანაწილებელი ქსელის მოწყობას.

პროექტის ღირებულება 15 მილიონამდე ლარს შეადგენს და 2026 წლის აპრილის ბოლომდე დასრულდება.
ამ დროისთვის ქსელის მშენებლობის სამუშაოები მიმდინარეობს."- წერია მერიის მიერ გავრცელებულ ინფორმაციაში.