ხულოში თოვს - კადრები მუნიციპალიტეტიდან

მაღალმთიან აჭარაში გათოვდა. ხულოს რამდენიმე სოფლიდან კადრებს ადგილობრივები სოციალურ ქსელში ასაჯაროებენ. მოქალაქეთა ცნობით, ნალექს შეფერხებები არ გამოუწვევია.

"დილით შუქი არ იყო, ახლა ყველაფერი რიგზეა, თოვა გრძელდება" - უთხრა TV25.GE-ის ხულოში მცხოვრებმა, თეიმურაზ ქამადაძემ, რომელმაც ფოტოები მოგვაწოდა.

გარემოს ეროვნულ სააგენტოში მაღალმთაში თოვას დღეს ისევ პროგნოზირებენ. სინოპტიკოსების ვარაუდით, დროგამოშვებით იწვიმებს აჭარის სხვა მუნიციპალიტეტებში. 2 და 3 ნოემბერს კი უნალექო ამინდია მოსალოდნელი.