საჯარო განხილვა გოდერძის კურორტების განვითარების შესახებ - სამოქალაქო აქტივისტები მეტი ჩართულობის მოლოდინში არიან

როგორ უნდა განვითარდეს გოდერძის კურორტები სწორად, როგორ უნდა შეფასდეს რისკები და როგორ უნდა გაითვალისწინონ ადგილობრივების ინტერესები - ეს ის უმნიშვნელოვანესი საკითხებია, რომლებზეც მსჯელობა კვლავ  გრძელდება.

ხულოს მერიაში კურორტის განვითარების გეგმაზე, საჯარო განხილვა უკვე გაიმართა, თუმცა სამოქალაქო აქტივისტები მეტი ჩართულობის მოლოდინში არიან. შეხვედრაზე მათ იმ შენიშვნების შესახებ ისაუბრეს, რაც არასამთავრობო ორგანიზაციებით დაკომპლექტებულმა საინიციატივო ჯგუფმა რეკომენდაციის დოკუმენტის სახით ,,გარემოს ეროვნულ სააგენტოს“ განხილვამდე გადაუგზავნა.

გაითვალისწინებენ თუ არა მოსახლეობის წინადადებებს და როგორ აისახება ის სამუშაო დოკუმენტში, ეს 20 მარტს გახდება ცნობილი.