აჭარაში კულტურის მინისტრად ელისო ბოლქვაძე დაინიშნა

აჭარაში კულტურის მინისტრად ელისო ბოლქვაძე დაინიშნა. იგი დღეს, თორნიკე რიჟვაძემ სასურველი მედიის თანდასწრებით წარადგინა, მათ შორის იყო იმედი და აჭარის ტელევიზია. კითხვაზე, თუ რატომ არ დაპატიჟეს დამოუკიდებელი,  კრიტიკული მედია ღონისძიებაზე, მათ შორის TV25, არ გვიპასუხეს.

პიანისტი ელისო ბოლქვაძე "ქართულ ოცნებას" წარმოადგენს. საქართველოს მე-10 მოწვევის პარლამენტის წევრი აგენტების კანონის ერთ-ერთი მხარდამჭერი იყო. 

ელისო ბოლქვაძემ წარდგენის შემდეგ პირველი მადლობა ოლიგარქ ბიძინა ივანიშვილს გადაუხადა.