ბათუმის ნავთობტერმინალში საპროტესტო აქცია მიმდინარეობს

აქცია ბათუმის ნავთობტერმინალში. თანამშრომლებმა ღირსეული სამუშაო პირობების შექმნა მოითხოვეს. რიგითი დასაქმებულები მათ მიმართ მუქარას, შანტაჟსა და არაადამიანურ მოპყრობას აპროტესტებდნენ. შეკრებილებს ტელევიზიების გამოჩენისთანავე მოუწოდეს, რომ ტერმინალის ეზოში გადაენაცვლათ.

რა სახის მოლაპარაკებები მიმდინარეობდა თანამშრომლებსა და ადმინისტრაციას შორის, ჩვენთვის უცნობი დარჩა, ვინაიდან მედიისთვის ტერმინალის კარი დაიხურა.

კამერის წინ საუბარი, ჩვენდა გასაკვირად, არც აქციის მონაწილეებმა ისურვეს.