ბათუმის პორტში აქცია გრძელდება - პოლიცია აქტივისტებს აკავებს

ბათუმის პორტში აქცია გრძელდება - ადგილზე სამოქალაქო აქტივისტები და ოპოზიციური პარტიების ლიდერები არიან შეკრებილები. ლაინერი Astoria Grande, რომელმაც საქართველოში რუსი ტურისტები შემოიყვანა, პორტში 6-ის ნახევარზე შევიდა. გემზე იმყოფებიან უკრაინაში ომისა და პუტინის მხარდამჭერებიც.

აქცია მთელი ღამის განმავლობაში გრძელდებოდა. გავრცელებული ინფორმაციით, პოლიციამ ადგილზე 10-მდე სამოქალაქო აქტივისტი დააკავა.

მოქალაქეები ადგილზე რჩებიან და დაშლას იქამდე არ აპირებენ, ვიდრე ლაინერი პორტს არ დატოვებს.

შეგახსენებთ, საკრუიზო ლაინერი Astoria Grande პირველად საქართველოში 27 ივლისს შემოვიდა. გემზე 800-ზე მეტი რუსი ტურისტი იმყოფებოდა, რომელთაც ოკუპაციის კანონი აქვთ დარღვეული.