ბათუმში აფროსნობის ღია პირველობა საზეიმოდ გაიხსნა

საწყლოსნო სპორტის ერთ-ერთი უძველესი და გავრცელებული სახეობა ბათუმში, 30 წლიანი პაუზის შემდეგ ბრუნდება. ზღვისპირა ქალაქში საზეიმოდ გაიხსნა აფროსნობის ღია პირველობა, რომელშიც საქართველოში მოქმედი სკოლები და კლუბები მონაწილეობენ.  ტურნირის ორგანიზატორი აჭარის აფროსნობის ფედერაციაა. ქართველი აფროსნები,  ერთმანეთს, სამი დღის განმავლობაში შეეჯიბრებიან. გამარჯვებულებს, სხვადასხვა კატეგორიაში, ფასიანი პრიზები და მედლები გადაეცემათ. ღია პირველობის საზეიმო გახსნას, ვეტერანი აფროსნები, ხელისუფლებისა და სპორტის სხვადასხვა სახეობის წარმომადგენლები ესწრებოდნენ. აჭარის აფროსნობის ფედერაცია, 2023 წელს დაფუძნდა და ვეტერან აფროსნებთან ერთად, ახალი თაობის სპორტსმენებს აერთიანებს.