გამოვლინდა ყირიმ-კონგოს შემთხვევა - ინფიცირებული 40 წლის ქალი სამკურნალოდ თბილისში გადაიყვანეს

ხაშურის მუნიციპალიტეტში ყირიმ-კონგოს შემთხვევა გამოვლინდა. ინფიცირებული 40 წლის ქალი სამკურნალოდ თბილისში გადაიყვანეს.

"ვირუსი 40 წლამდე ქალს დაუფიქსირდა, რომელმაც რამდენიმე დღის წინ ცხელებით მიმართა ხაშურის გორმედის საავადმყოფოს, რის შემდეგაც გადაიყვანეს თბილისის რეფერალურ საავადმყოფოში. ამჟამად ქალი თავს კარგად გრძნობს”, – განმარტავენ ხაშურის ჯანდაცვის ცენტრში.

ჯანდაცვის ცენტრის ინფორმაციით, სოფელში, სადაც ეს შემთხვევა გამოვლინდა, სადეზინფექციო სამუშაოები ჩატარდა.