საკონსტიტუციო სასამართლოს თავმჯდომარედ რევაზ ნადარაია აირჩიეს

საკონსტიტუციო სასამართლოს თავმჯდომარედ რევაზ ნადარაია აირჩიეს. ინფორმაციას სასამართლოს პრესსამსახური ავრცელებს.

საკონსტიტუციო სასამართლოს თავმჯდომარის თანამდებობას მანამდე მერაბ ტურავა იკავებდა, რომელსაც უფლებამოსილება 2025 წლის 30 მარტს ამოეწურა.

რევაზ ნადარაია 45 წლისაა და 2021 წლიდან უზენაეს სასამართლოში უვადოდ იყო განწესებული. ნადარაია იყო მოსამართლეთა იმ სიაში, რომელთა კეთილსინდისიერების შემოწმებასაც ევროკავშირის პირობიდან გამომდინარე, „სასამართლოს გუშაგი“ ითხოვდა.