სამგზავრო მიკროავტობუსი გზის სავალი ნაწილიდან გადავიდა და ხეს შეეჯახა - დაშავებულია 3 პირი

თბილისი-სენაკი-ლესელიძის საავტომობილო მაგისტრალის გორი-იგოეთის მონაკვეთზე მომხდარი ავტოსაგზაო შემთხვევის შედეგად 3 ადამიანი დაშავდა.

გორიდან თბილისის მიმართულებით მოძრავი სამგზავრო მიკროავტობუსი გზის სავალი ნაწილიდან გადავიდა და ხეს შეეჯახა.

შემთხვევის შედეგად დაშავებულთაგან სასწრაფო დახმარების ჯგუფმა ერთი პირი კასპის საავადმყოფოში გადაიყვანა, ორ მგზავრს კი სამედიცინო დახმარება ადგილზე გაეწია.

პირველადი ინფორმაციით, სატრანსპორტო საშუალების მართვისას მძღოლმა თავი შეუძლოდ იგრძნო, რაც, სავარაუდოდ, შემთხვევის მიზეზი გახდა.

ადგილზე სამართალდამცავები იმყოფებოდნენ, მომხდარ ფაქტზე დაწყებულია გამოძიება.