24 თებერვალს, უკრაინის მხარდამჭერი მასშტაბური აქცია იგეგმება

24 თებერვალს რუსთაველზე უკრაინის მხარდამჭერი მასშტაბური აქცია იგეგმება. ოპოზიცია და სამოქალაქო საზოგადოება, კიდევ ერთხელ აპირებს, უკრაინაში რუსეთის შეჭრის დღეს თქვას, რომ საქართველოს ევროპული განვითარების მომავალი აქვს.

როგორც პოლიტიკოსებისა და სამოქალაქო აქტივისტების ერთობლივ ბრიფინგზე გახდა ცნობილი, სოლიდარობის აქციები 24 თებერვალს დაიწყება და მზარდი იქნება. ორგანიზატორების თქმით, დღეს საქართველოს ისტორიის ერთ-ერთ სამარცხვინო ფურცელზე ვცხოვრობთ და 24 თებერვალს ამ სამარცხვინო ფურცლის გადაშლა უნდა დაიწყოს.