აგენტების კანონის გაუქმების მოთხოვნით საკონსტიტუციო პროცესში კიდევ ერთი სარჩელი შევიდა

პრეზიდენტისა და არასამთავრობო ორგანიზაციების შემდეგ, ე. წ. რუსული კანონის გაუქმების მოთხოვნით საკონსტიტუციო სასამართლოს  საპარლამენტო ოპოზიციამ მიმართა.  მას ხელს 38 დეპუტატი აწერს, გარდა „გირჩისა“. ნაციონალური მოძრაობის თავმჯდომარის, თინა ბოკუჩავას განცხადებით, მაღალი მოლოდინი არ აქვთ, რომ სასამართლო საქართველოს კონსტიტუციით იხელმძღვანელებს და ივანიშვილის პოლიტიკურ დაკვეთას არ დაექვემდებარება. თუმცა მისივე თქმით, მნიშვნელოვანია, რომ  ოპოზიციამ ეს ბერკეტი გამოიყენოს. როგორც საკონსტიტუციო სასამართლოს თავმჯდომარემ განაცხადა, პრეზიდენტის, არასამთავრობოების და ოპოზიციის სარჩელს ერთად, გონივრულ ვადაში განიხილავენ.