ბათუმის პორტში რუსული დროშა ფრიალებს

იმ ფონზე როცა ქვეყანა, აგვისტოს ომში დაღუპულებს გლოვობს და სახელმწიფო დროშები დაშვებულია, ბათუმის პორტში რუსული დროშა ფრიალებს. ოკუპანტი ქვეყნის  დროშის ქვეშ მცურავი გემი ბათუმის ნავსადგურში გუშინ შემოვიდა. გავრცელებული ინფორმაციით, ხომალდის საშუალებით, ხელოვნური საწვავი კოქსი შემოიტანეს. უცნობია, ნივთიერება მშრალი ტვირთმზიდის საშუალებით რა მიზნით შემოვიდა და სად უნდა გადაიგზავნოს. უცნობია ისიც, თუ როდის დატოვებს ნავსადგურს რუსული ხომალდი ოპოლიე. პასუხისმგებელ სახელმწიფო უწყებებში საკითხზე განმარტებები არ გაკეთებულა.