ბათუმში, ავარიული სახლების ჩასანაცვლებლად, მრავალბინიან საცხოვრებლებს კომპანია "ანაგი" ააშენებს

„ბათუმი ავარიული სახლების გარეშე“ - პროგრამის ფარგლებში, მრავალბინიან საცხოვრებლებს ქალაქში „შპს“ ანაგი“ ააშენებს, რომელმაც 79 მილიონიანი ტენდერი მოიგო. ,,ერთიან ნაციონალურ მოძრაობაში'' აცხადებენ, რომ პირობები ერთ კომპანიაზე იყო მორგებული, რადგან შპს-ს მფლობელი ,,ქართული ოცნების'' შემომწირველი და პრემიერ-მინისტრთან დაახლოებული პირია.

შეგახსენებთ, ოპოზიციონერებმა  წარსულში არაერთი ბრიფინგი გამართეს, სადაც აცხადებდნენ, რომ ტენდერს „ანაგი“ მოიგებდა. კითხვების ადრესატ უწყებაში საპასუხო კომენტარი ჯერჯერობით არ გაკეთებულა.