ბათუმში ტაჯიკეთის რესპუბლიკის საპატიო საკონსულო გაიხსნა

ბათუმში ტაჯიკეთის რესპუბლიკის საპატიო საკონსულო გაიხსნა. საზეიმო ცერემონიას აჭარის მთავრობის თავმჯდომარე თორნიკე რიჟვაძე, ტაჯიკეთის რესპუბლიკის საპატიო კონსული აჭარასა და სამეგრელო-ზემო სვანეთში თენგიზ ქოქოლაძე და ტაჯიკეთის რესპუბლიკის საგანგებო და სრულუფლებიანი ელჩი საქართველოში და აზერბაიჯანში რუსტამ სოლი ესწრებოდნენ.

ელჩის განცხადებით, ბათუმში საკონსულოს გახსნა მომავალი ურთიერთობების გაღრმავების ახალი შესაძლებლობაა. ვაჭრობა, ეკონომიკა, ჯანდაცვა, ინვესტიციები, ტრანსპორტი, ტურიზმი - ეს ის სფეროებია, სადაც სამომავლოდ ინტენსიური თანამშრომლობა დაიგეგმა. საქართველოსა და ტაჯიკეთის რესპუბლიკას შორის დიპლომატიური ურთიერთობები 1994 წლის 4 აგვისტოდან იწყება და 28 წელს ითვლის.