ბრიფინგი "ერთიანობა ნაციონალურ მოძრაობაში"

"ერთიანობა ნაციონალური მოძრაობა" "ქართული ოცნების" მიერ ორგანიზებულ ღონისძიებებში საარჩევნო ადმინისტრაციის წევრების მონაწილეობაზე საუბრობს. სპეციალურად გამართულ ბრიფინგზე კონკრეტული მაგალითებიც აჩვენეს და განაცხადეს, რომ ცენტრალური და აჭარის უმაღლესი საარჩევნო კომისიებისთვის საჩივარს ამზადებენ. ნიკა ქაშიბაძემ ჟურნალისტებს ფოტომასალა აჩვენა, რომელზეც ჩანს, რომ 25-ე საარჩევნო უბნის თავმჯდომარე ბათუმში მმართველი პარტიის მხარდამჭერ ღონისძიებას ესწრება. ქაშიბაძის მტკიცებით, ოცნება ადმინისტრაციულ რესურსს იყენებს, რაც კანონდარღვევაა. ოპოზიციის წევრი მიმართავს ცესკოს,  უსკოს და სადამკვირვებლო მისიებს, რათა ფაქტებზე შესაბამისი რეაგირება მოახდინონ.