„ერთიანობა ნაციონალური მოძრაობა“ - საარჩევნო პროგრამა და დაპირებები

26 დღე არჩევნებამდე. წინასაარჩევნო მარათონი აქტიურ ფაზაშია.  ხელისუფლებასა და ოპოზიციურ პარტიებს, სულ უფრო მცირე დრო რჩებათ, რათა ამომრჩეველი საკუთარ უპირატესობაში დაარწმუნონ და კეთილგანწყობა მოიპოვონ. უხვად გაიცემა წინასაარჩევნო დაპირებებიც. აქცენტებიც იმ თემებზე კეთდება, რაც ყველაზე მეტად აინტერესებს გაღატაკებულ  მოსახლეობას - პენსიები, შშმ პირები, ჯანდაცვა, ხელფასები, სამუშაო ადგილები, ევროპული კეთილდღეობა... ყველა პარტიის მთავარი მესიჯი არის, რომ ქვეყანას მხოლოდ მათი ხელისუფლებაში მოსვლის შემთხვევაში ეშველება. ახლა ჯერი ქართველ ხალხზეა. მოსახლეობამ თავად უნდა გადაწყვიტოს ქვეყნისა და საკუთარი მომავალი, უნდა აირჩიოს ის პარტია, ვისი წინასაარჩევნო დაპირებების მეტად სჯერა. ჩვენ გადავწყვიტეთ, არჩევნებამდე ერთი თვით ადრე უფრო დეტალურად გაგაცნოთ პარტიების პროგრამები და არამხოლოდ. ასევე ვიკითხეთ მათი დაპირებების შესრულების რესურსი. რას პირდება „ერთიანობა ნაციონალური მოძრაობა“ ამომრჩეველს გამარჯვების შემთხვევაში და რა არის მათთვის პრიორიტეტი?