ევროპელი პარლამენტარების კრიტიკა და ადგილობრივი პოლიტიკოსების შეფასებები

"არჩევნები საქართველოში არ იყო თავისუფალი და სამართლიანი... ვინც დემოკრატიის პრინციპებს ძირს უთხრის, ფასი უნდა გადაიხადოს, თუ არჩევნებს არ გამოიძიებთ, მოვითხოვთ სანქციებს, განვიხილავთ უვიზოს შეწყვეტას. საქართველოს პოლიტიკა  შეუსაბამოა ევროკავშირის წევრობასთან, თუ გაგრძელდება ანტიევროპული ტრაექტორია და ევროკავშირის პრინციპების ძირის გამოთხრა, საქართველოს პროგრესი ევროკავშირის მიმართულებით შეჩერებული დარჩება" - ეს და კიდევ ბევრი კრიტიკული გზავნილი გააჟღერეს დღეს საქართველოში ვიზიტით მყოფმა ევროპელმა პარლამენტარებმა, რომელსაც მმართველმა გუნდმა შეხვედრაზე უარი უთხრა, სამაგიეროდ ევროპული ქვეყნების ლიდერებს ტრიბუნა დაუთმო საქართველოს პრეზიდენტმა.