"განწყობა კარგია" - გიული ალასანია იუსტიციის მინისტრის განცხადებაზე

იუსტიციის მინისტრის განცხადებიდან რაც მოვისმინე, განწყობა კარგია – ამის შესახებ მიხეილ სააკაშვილის დედამ განაცხადა. გიული ალასანიას თქმით, მიხეილ სააკაშვილის ჯანმრთელობის მდგომარეობა უცვლელია და საჭიროა, მისი გადაყვანა. მისივე განცხადებით, სააკაშვილის ოჯახს უკვე ჰყავს ჩამოყვანილი უცხოელი ექიმები.

შეგახსენებთ, რატი ბრეგაძემ ბრიფინგზე განაცხადა, რომ „იუსტიციის სამინისტროს არ გააჩნია სამართლებრივი ბერკეტი სააკაშვილის საზღვარგარეთ გადაყვანაზე, ამიტომ მას სთავაზობენ ჩამოიყვანოს ნებისმიერი უცხოელი ექიმი, რომელიც ჩაერთვება მის მკურნალობაში“.