ირაკლი ღარიბაშვილი პარლამენტში ოპოზიციის კითხვებს პასუხობს

ამ წუთებში, ირაკლი ღარიბაშვილი, პარლამენტში ოპოზიციის კითხვებს პასუხობს. დეპუტატებმა პრემიერ-მინისტრი ინტერპელაციის წესით დაიბარეს. ხელისუფლების ოპონენტებს მთავარი კითხვები ქვეყნის თავდაცვასა და უსაფრთხოებასთან დაკავშირებით აქვთ. აინტერესებთ ასევე, რა გააკეთა ხელისუფლებამ ევროკომისიის 12 რეკომენდაციის შესასრულებლად.

ღარიბაშვილის თქმით, სამყარო მესამე მსოფლიო ომის საფრთხის წინაშეა. მისივე განცხადებით, მტრული ძალები მიიჩნევენ, რომ ჩვენთან ომის გადმოტანით უკრაინას დრო უნდა მიეცეს. პრემიერის მტკიცებით, ევროპარლამენტარები ქართველ ხალხს მთავრობის დამხობისკენ მოუწოდებდნენ.