ჯაბა ფუტკარაძის განცხადება „ოცნების ქალაქში“ ბინების გადანაწილებაზე

„ოცნების ქალაქში“ ბინების გადაცემის პროცედურები აბსოლიტურად სამართლიანად მიმდინარეობს - ამის შესახებ აჭარის ფინანსთა და ეკონომიკის მინისტრმა, უმაღლეს საბჭოში ყოველწლიური მოხსენების წარდგენისას განაცხადა. ჯაბა ფუტკარაძის თქმით, საკითხთან დაკავშირებით ჭორები ვრცელდება და სხვადასხვა მხარე ცდილობს მოქალაქეების პროვოცირებას. შეგახსენებთ, მას შემდეგ რაც ოცნების ქალაქში ფართების გადაცემა დაიწყო, იქ მცხოვრებლები კრიტერიუმებს იწუნებენ და აცხადებენ, რომ ფართებს მხოლოდ ოცნების მხარდამჭერებსა და იმ ადამიანებს უნაწილებენ, ვისაც ამის საჭიროება არ აქვს. მუყაოს ქალაქში მცხოვრებთა ნაწილი კი უკვე მიღებული ბინების კვადრატული მეტრების სიმცირეს აპროტესტებს.