ხუმრობა, რომელმაც თემურ ხასიას თანამდებობა დაატოვებინა

ბათუმის მერიის მაღალჩინოსანმა, რომელმაც გუშინდელი მიწისძვრის შემდეგ ავარიულ სახლებზე იხუმრა, თანამდებობა დატოვა. სპორტული ცენტრის დირექტორმა Facebook-ზე დაწერა, რომ კიდევ ერთი ბიძგი ავარიული სახლების პრობლემას მოაგვარებდა. მოგვიანებით, თემურ ხასიამ პოსტი წაშალა და მოიბოდიშა. სოციალურ ქსელში მის მიმართ დაწყებული კრიტიკის შემდეგ კი, განაცხადა, რომ ახალგაზრდული ცენტრის ხელმძღვანელობას ტოვებდა და საკუთარი ფეისბუქ გვერდი გაუუქმა. შეგახსენებთ, მიწისძვრა გუშინ, 22:25 საათზე მოხდა. სეისმური მონიტორინგის ცენტრის ცნობით, სიმძლავრემ 6.2 მაგნიტუდა შეადგინა, ეპიცენტრი, ჯავახეთის რაიონში, სოფელ სამებასთან იყო.