კობახიძე პრემიერად | აჭარაში მოქმედი პოლიტიკოსების შეფასებები

რა შეფასებები კეთდება ირაკლი კობახიძისა და ირაკლი ღარიბაშვილის  ადგილმონაცვლეობაზე ადგილობრივ დონეზე ? აჭარაში მოქმედ ოპოზიციონერ პოლიტიკოსებს მიაჩნიათ, რომ ხალხისთვის არაფერი იცვლება, რადგან ორივე მათგანი ბიძინა ივანიშვილის მსახურია.

„ლელოში“ ამბობენ, რომ კობახიძე იგივე საქმიანობას გააგრძელებს, რასაც მისი წინამორბედი ახორციელებდა. „ნაციონალურ მოძრაობაში“ კობახიძის მიერ წარდგენილ პროგრამას არარეალისტურს უწოდებენ და ამბობენ, რომ ოცნების ხელისუფლება აქამდეც ცრუ დაპირებებით მოვიდა.

ნაციონალურ მოძრაობას გამიჯნულ პარტიაში აცხადებენ, რომ კადრების გადანაცვლება ივანიშვილმა იმ მოტივით მოახდინა, რომ ირაკლი კობახიძე ანტიევროპულ განცხადებებში ღარიბაშვილთან შედარებით ნაკლებად ხისტი აღმოჩნდა.