პირველ ოქტომბერს დაგეგმილი "ქართული ოცნების" საარჩევნო პროგრამის წარდგენა კობახიძის მდგომარეობის გამო  გადაიდო

"ქართული ოცნების" საარჩევნო პროგრამის წარდგენა, რომელიც პირველ ოქტომბერს უნდა გამართულიყო გაურკვეველი ვადით გადაიდო.

პარტიის ოფიციალური ინფორმაციით, მიზეზი საარჩევნო შტაბის ხელმძღვანელის, პრემიერ-მინისტრ ირაკლი კობახიძის ჯანმრთელობის მდგომარეობაა. 

ირაკლი კობახიძის ჯანმრთელობის მდგომარეობაზე კომენტარებს დეპუტატები აკეთებენ   

"იმ პირობებში, როცა ირაკლი კობახიძე არის პრემიერ მინისტრი და საარჩევნო შტაბის ხელმძღვანელია, ლოგიკურია, რომ სწორედ მას უნდა ჩაეტარებინა ეს ყველაფერი და ამ პროგრამის რამდენიმე დღით გადაწევა არაფერს ცვლის"- ამბობს ნინო წილოსანი. 

მისი თქმით, პროგრამის წარდგენა უახლოეს პერიოდში, ირაკლი კობახიძის ჯანმრთელობის მდგომარეობის გაუმჯობესების შემდეგ გაიმართება.