"ქართულ ოცნებას“ საპარლამენტო არჩევნებში გამარჯვება ირანის პრეზიდენტმა მიულოცა

„მსურს, თქვენს აღმატებულებას და ქართველ ხალხს, გულითადად მოგილოცოთ წარმატებული საპარლამენტო არჩევნები და ამ არჩევნებში პარტია „ქართული ოცნების“ გამარჯვება“ - საქართველოს პრემიერ-მინისტრ, ირაკლი კობახიძეს არჩევნებში გამარჯვება ირანის პრეზიდენტმა მასუდ ფეზეშქიანმა მიულოცა.

"მსურს, თქვენს აღმატებულებას და ქართველ ხალხს, გულითადად მოგილოცოთ წარმატებული საპარლამენტო არჩევნები და ამ არჩევნებში პარტია ქართული ოცნების გამარჯვება.

იმედია, ეს არჩევნები, რომელიც წარმოადგენს ქართველი ხალხის ნების გამოხატულებას, გახდება ქართველი ხალხის წინსვლის და კეთილდღეობის, ორი ქვეყნის ურთიერთობის გამტკიცებისა და რეგიონის ქვეყნებს შორის თანამშრომლობის განვითარების საწინდარი.

უფალს შევთხოვ თქვენი აღმატებულების ჯანმრთელობას და წარმატებებს და მეგობარი ქართველი ხალხის წარმატებებს"- წერია მიმართვაში. 

„ქართულ ოცნებას“, საპარლამენტო არჩევნებში გამარჯვება მიულოცეს უნგრეთმა, სომხეთმა, აზერბაიჯანმა, ჩინეთმა და თურქეთმა.