რა საკითხები განიხილეს ბათუმის საკრებულოს სხდომაზე

ხმაური იყო დღეს ბათუმის საკრებულოს სხდომაზე. კამათი  K2 კოეფიციენტის საკითხის განხილვამ გამოიწვია. ოპოზიცია მმართველი გუნდის წევრებს ქალაქის იერსახის დამახინჯებაში ადანაშაულებდა და  ხელისუფლებასთან დაახლოებულ  პირებზე ნებართვების გაცემას აპროტესტებდა.  ხელისუფლების ოპონენტები ასევე სვამდნენ კითხვებს გენგეგმასთან დაკავშირებით.  „ქართული ოცნების“ დეპუტატის განცხადებით, კი დოკუმენტის შესამუშავებლად მასშტაბური სამუშაოები ტარდება და  პირველადი ვერსია დაახლოებით 1-2 კვირაში მომზადდება. საკრებულოს წევრები დღეს დატრიალებულ ტრაგედიასაც გამოეხმაურნენ. დღევანდელ სხდომაზე დღის წესრიგით გათვალისწინებული 11 საკითხი განიხილეს.