რა უნდა გაგვეკეთებინა და არ გავაკეთეთ უკრაინისთვის, ჩამოწერეთ - კობახიძე ოპოზიციას

„რადიკალურ ოპოზიციას, მის ლობისტებს ვთხოვთ, ჩამოწერონ, რა უნდა გაგვეკეთებინა და არ გავაკეთეთ უკრაინასთან მიმართებაში.“ ეს განცხადება, „ქართული ოცნების“ თავმჯდომარემ გააკეთა.

ირაკლი კობახიძის თქმით, ოპონენტები მსგავს ფაქტებს ვერ დაასახელებენ,  რადგან, მმართველ გუნდს არაფერი დაუკლია, ამ მიმართულებით, გარდა იმისა, რომ ქვეყანა ომში არ გახვიეს.

მისივე განცხადებით, საქართველომ უკრაინის ხელისუფლებისა და ხალხის მხარდასაჭერად როგორც პოლიტიკური, ისე ჰუმანიტარული მხარდაჭერა გამოხატა.

კობახიძის განმარტებითვე, საქართველოს ხელისუფლებას კითხვის ნიშნები აქვს უკრაინის ხელისუფლების იმ წარმომადგენლების მიმართ, რომლებიც მისი შეფასებით, ახლა, 40 წლის ასაკში გახდნენ უკრაინის პატრიოტები.