"რუსული კანონი ჩვენი არჩევანი არ არის!" - დღეს დილიდან თბილისში საპროტესტო აქციები მიმდინარეობს

მმართველი პარტია პრეზიდენტის ვეტოს დასაძლევად ემზადება. პარალელურად კი, დილიდან პარლამენტთან საპროტესტო აქციები მიმდინარეობს. 

სხდომა 12:00 საათზე დაიწყება.

საკანონმდებლო ორგანოს ეზოში უკვე შეიყვანეს შინაგან საქმეთა სამინისტროს  ავტობუსები. ტერიტორიაზე იმყოფებიან სამართალდამცავებიც.

მოქალაქეებს  არ აქვთ მოლოდინი, რომ "ოცნება" მოღალატეობრივ კანონზე უარს იტყვის, თუმცა თვლიან, რომ ახლა მათი მოვალეობა ქვეყნის სამსახურში დგომაა. მთელი დღის განმავლობაში  თბილისში და მთელს საქართველოში აქციებია დაანონსებული.