საიას კრიტიკული ანგარიში - რას წერს არასამთავრობო ორგანიზაცია

შეკრების თავისუფლების უხეში დარღვევა,  სამართალდამცველთა მხრიდან სისტემურ ძალადობა, უმაღლესი პოლიტიკური თანამდებობის პირების მიერ ძალადობის წახალისება,  აქციის მონაწილეების, პროტესტის მხარდამჭერების, სამოქალაქო აქტივისტების, ჟურნალისტების, პოლიტიკოსების და მათი ოჯახის წევრების დაშინება -ასე აღწერს საქართველოს ახალგაზრდა იურისტთა ასოციაცია, კანონპროექტის ინიცირებიდან მის მიღებამდე, 2 თვის განმავლობაში ქვეყანაში არსებულ სურათს. ანგარიში სახელწოდებით “საქართველო: ადამიანის უფლებები რუსული კანონის პირისპირ” არასამთავრობო ორგანიზაციამ დღეს გამოაქვეყნა. დასკვნა კრიტიკულია.