სიტყვიერი დაპირისპირება ხელვაჩაურის საკრებულოს სხდომაზე - ოპოზიციამ დარბაზი დატოვა

სიტყვიერი დაპირისპირებით გაიხსნა ხელვაჩაურის საკრებულოს სხდომა. „ნაციონალური მოძრაობის“ წევრი მამუკა ჯევაიში დღის წესრიგის კენჭისყრამდე, პოლიტიკური შინაარსის განცხადების გაკეთებისთვის ითხოვდა დროს, საკრებულოს თავმჯდომარე, თენგიზ ირემაძე კი ოპონენტს რეგლამენტის დაცვისკენ მოუწოდებდა.

ოპოზიციონერ დეპუტატს მუნიციპალიტეტის 2021-22 წლების საქმიანობის შესახებ სახელმწიფო აუდიტის კრიტიკულ დასკვნაზე სურდა საუბარი, თუმცა მას ამის საშუალება არ მიეცა, რის გამოც დარბაზი დატოვა.

დღევანდელ სხდომაზე, ისევ ითხოვდა დასწრებას მოქალაქე თორნიკე ქავთარაძე. მას დარბაზში შესვლაზე უარი, უკვე მეხუთედ უთხრეს.