ყაველაშვილი პრეზიდენტად | შეფასებები

კონსტიტუციის დარღვევისა და ერთპარტიული პარლამენტის შეკრების შემდეგ, „ქართულმა ოცნებამ“ საზოგადოების დიდი ნაწილი დღეს კიდევ ერთი გადაწყვეტილებით გააბრაზა. პრეზიდენტის კანდიდატურად პარტიის საპატიო თავმჯდომარემ ხალხს მიხეილ ყაველაშვილი წარუდგინა. „ხალხის ძალის“ ლიდერისა და ყოფილი ფეხბურთელის სახელს, რომელიც პარლამენტში 2016 წლიდან საქმიანობს, აგენტების კანონის ინიცირება უკავშირდება. კიდევ ერთი მნიშვნელოვანი დეტალი - პარლამენტის ვებგვერდზე გამოქვეყნებულ მის ბიოგრაფიაში განათლების შესახებ ველი ცარიელია. თუმცა, როგორც მდინარაძე ამბობს, "სამშობლოს სიყვარულს და ერთგულებას დიპლომი არ სჭირდება".