ყოფილი კომისარიატის შენობა გასხვისდება | ხმაური ქობულეთის საკრებულოს სხდომაზე

ხმაური იყო დღეს ქობულეთის საკრებულოს სხდომაზე. დეპუტატებს შორის კამათი ყოფილი კომისარიატის შენობის გასხვისების საკითხს მოჰყვა. თავისუფლების ქუჩის 13 ნომერში მრავალფუნქციური 11-სართულიანი კორპუსის პროექტი მტკიცდება.

ოპოზიცია აცხადებს, რომ მსგავსი მშენებლობები ქალაქს უნიკალურობას უკარგავს და ბეტონის ჯუნგლებად აქცევს, გარდა ამისა ქაოსი იქმნება საპარკინგე სივრცეების არარსებობის გამო. ხელისუფლების ოპონენტებმა საკითხის გადადება მოითხოვეს, რაზეც უარი მიიღეს.

საკრებულოს თავმჯდომარის, დავით მჭედლიშვილის განცხადებით, "ინვესტიციას როგორც მტერს“ არ უნდა ვუყურებდეთ.

ქობულეთის საკრებულოს სხდომაზე დღის წესრიგით გათვალისწინებული 13 საკითხი განიხილეს.