მართლმადიდებელი სამყარო წმინდა ნიკოლოზის ხსენების დღეს აღნიშნავს

მართლმადიდებელი სამყარო წმინდა ნიკოლოზ სასწაულმოქმედის ხსენების დღეს აღნიშნავს. წმინდა ნიკოლოზი საქართველოს მართლმადიდებლური ეკლესიის მფარველად მას შემდეგ ითვლება, რაც პატრიარქმა წმინდანს ქართული ეკლესია შეავედრა. დღესასწაული წელიწადში ორჯერ აღინიშნება.

წმინდანი ქრისტეს შობიდან 257 წელს, მცირე აზიაში, პართიაში, მდიდარ და ღვთისმოშიშ ოჯახში დაიბადა. იგი ღვთის სიტყვას დაუღალავად ქადაგებდა და თავადაც ქრისტიანული ცხოვრებისა და მოღვაწეობის მაგალითი იყო. 325 წელს მონაწილეობდა ნიკეის პირველ მსოფლიო საეკლესიო კრებაში.