მუსლიმები ყურბან ბაირამს ზეიმობენ

მუსლიმები დღეს ყურბან-ბაირამის, ანუ მსხვერპლშეწირვის დღესასწაულს აღნიშნავენ. მეჩეთებში დილის ლოცვის დასრულების შემდეგ, მორწმუნეები პირუტყვს კლავენ და ხორცს ახლობლებსა და სოციალურად დაუცველებს უნაწილებენ.

ეიდ ალ-ადჰა, იგივე ყურბან ბაირამი, მუსულმანური კალენდრის მთავარი დღესასწაულია, ეიდ ალ-ფითრთან ერთად, რომლითაც მარხვის თვის - რამადანის დასასრული აღინიშნება. ყურბან-ბაირამობა მარხვის თვიდან 70-ე დღეს იწყება.

ყურბან ბაირამს 4 ათას წლოვანი ისტორია აქვს. იგი ისლამურ სამყაროში მეგობრობის, თანადგომის, ქველმოქმედების და ღმერთთან დაახლოების დღესასწაულია. ყურბან ბაირამი დღეს დაიწყო და სამი დღის განმავლობაში გაგრძელდება.