ბათუმმა ჩერლიდინგის საერთაშორისო ღია პირველობას უმასპინძლა

ბათუმმა ჩერლიდინგის საერთაშორისო ღია პირველობას უმასპინძლა.  შეჯიბრი  ჩერლიდინგში, ტანვარჯიშში, სპორტულ აერობიკაში, თანამედროვე ცეკვებსა და სხვა საცეკვაო მიმდინარეობებში გაიმართა. მასში  300-ზე მეტი ახალგაზრდა მონაწილეობდა საქართველოდან, სომხეთიდან, აზერბაიჯანიდან და ლატვიიდან. საპრიზო ადგილზე გასულები თასებითა და მედლებით დაჯილდოვდნენ. ჩერლიდინგის საერთაშორისო ჩემპიონატი აჭარაში მეოთხე წელია იმართება. წლევანდელი ღონისძიება აჭარის კულტურისა და სპორტის სამინისტროს ფინანსური მხარდაჭერითა და აჭარის ჩერლიდინგის ფედერაციის ორგანიზებით ბათუმის სპორტის სასახლეში ჩატარდა.