"მაგიდის ჩოგბურთის ახალგაზრდული მსოფლიო თასი 2023"-ის ტურნირი დაიწყო

ბათუმის სპორტის სასახლეში „მაგიდის ჩოგბურთის ახალგაზრდული მსოფლიო თასი 2023“-ის ტურნირი დაიწყო. შეჯიბრი ხუთ ასაკობრივ კატეგორიაში იმართება. ღონისძიებას საქართველო მეორედ მასპინძლობს. მასში 15 ქვეყნის 150-მდე სპორტსმენი მონაწილეობს. მათ შორის კი, 24 საქართველოს წარმომადგენელია.

მსოფლიო თასი, აჭარის განათლების სამინისტროს დაფინანსებით იმართება, რომლის ორგანიზატორიც ტურიზმისა და ახალგაზრდობის საერთაშორისო ფონდია. ახალგაზრდებს პირველობისთვის ბრძოლის შანსი 24 სექტემბრამდე აქვთ.