გოგრის გახლეჩა - რა ისტორიას ინახავს საახალწლო ტრადიცია | ინტერვიუ

ისევე როგორც საქართველოს კუთხეები, მათი ტრადიციებიც მრავალფეროვანი და საინტერესოა. ერთმანეთისგან განსხვავებულია საახალწლო რიტუალებიც, თუმცა ნებისმიერი მათგანი ემსახურება იმას, რომ ახალმა წელიწადმა ბედნიერება, ჯანმრთელობა, ხვავი, ბარაქა, სიკეთე და სიხარული მოიტანოს. სწორედ ბარაქის მომტანად ითვლება  აჭარაში ახალი წლის დადგომასთან ერთად, გოგრის გახლეჩვის ტრადიციაც, რომელიც სახლის კარის ზღურბლზე დახეთქებით სრულდება.

ტრადიცია საკმაოდ ძველი და მეტ-ნაკლებად მივიწყებულია. დეტალებზე ნინო გოგოლიშვილი გვესაუბრა, რომელიც ბებიისგან ნასწავლ რიტუალს მეგობრებსაც უზიარებს.