აჭარა 23-28 ივლისს პირველ სალაშქრო ფესტივალს  უმასპინძლებს

აჭარა 23-28 ივლისს პირველ სალაშქრო ფესტივალს  უმასპინძლებს. ღონისძიების მონაწილე 100-მდე მოლაშქრეს საშუალება ექნება აჭარის ალპურ ზონაში მდებარე 45 კილომეტრიანი მარშრუტი დალაშქროს. „ზღვიდან მთამდე“ ასე ჰქვია ფესტივალს, რომლის სალაშქრო მარშრუტი ჩირუხის მთიდან დაიწყება და ალპურ ბოტანიკურ ბაღში დასრულდება. მიზანი მთიანი აჭარის ტურისტული მარშრუტების პოპულარიზაცია და ლაშქრობის სტიმულირებაა. იქნება სხვადასხვა შემეცნებითი და ინტერაქტიულო აქტივობები. სალაშქრო ფესტივალი აჭარაში პირველად ტარდება და მასში მონაწილეობა უფასოა.