აჭარის საიმიჯო რგოლს BBC–ის მილიონობით მაყურებელი ეცნობა

„ევრონიუსი“-სა და „დოიჩე ველე“-ს შემდეგ, აჭარის რეკლამას, უკვე, BBC–ის მილიონობით მაყურებელი ეცნობა. საიმიჯო რგოლში, რომელიც 190-ზე მეტ ქვეყანაში გადაიცემა, აჭარის სამთო და საზღვაო ტურისტული პროდუქტებია ნაჩვენები.

პრესტიჟული ბრიტანული მედიასაშუალება მსოფლიოს 29 ენაზე მაუწყებლობს. აჭარის ტურიზმის დეპარტამენტი, რეგიონის პოზიციონირების მიზნით, საერთაშორისო მედიასაშუალებებთან წლებია თანამშრომლობს.

გარდა სატელევიზიო რეკლამისა, BBC და „ევრონიუსი“, ბათუმში მოგზაურობის შესახებ სიუჟეტებსაც მოამზადებენ.