აჭარის ტურიზმის დეპარტამენტი PATA-ს საერთაშორისო ვორქშოპზე იყო წარდგენილი

აჭარის ტურიზმის დეპარტამენტი სკანდინავიის ერთ-ერთ უმსხვილეს მოგზაურთა ასოციაციის "PATA" საერთაშორისო ვორქშოპზე იყო წარდგენილი. უწყების მენეჯმენტმა დანიისა და შვედეთის 200-მდე ტურისტულ კომპანიასთან ბიზნეს შეხვედრები გამართა.

განიხილეს, როგორც ქვეყნებს შორის პირდაპირი ფრენების საჭიროება, ისე დანიაში საქართველოს ცნობადობის გაზრდისა და დანიელი ტურისტების საქართველოში მოგზაურობის სტიმულირება. ვორქშოპი ორი დღის განმავლობაში დანიის ორ ქალაქში კოპენჰაგენსა და ორჰუსში მიმდინარეობდა.

მასში 20 ქვეყნის ტურისტული კომპანიის, ავიაკომპანიისა და ტურისტული ორგანიზაციის წარმომადგენლები მონაწილეობდნენ.