ბათუმი „გასტრო ბათუმს“ უკვე მეორედ უმასპინძლებს 

16-17-18 ნოემბერს, ბათუმი „გასტრო ბათუმს“ უმასპინძლებს. მეორე საერთაშორისო გასტრონომიული ფორუმის ფარგლებში ზღვისპირა ქალაქს მიშლენის ვარკვლავის მქონე რესტორნების შეფები და გასტრონომიის საერთაშორისო ექსპერტები საფრანგეთიდან, საბერძნეთიდან და შვეიცარიიდან ესტუმრებიან. ღონისძიების პირველ დღეს, ავთენტიკური კულინარიისა და თანამედროვე გასტრონომიის შესახებ ისაუბრებენ, მეორე-მესამე დღეს კი ჩატარდება კულინარიული მასტერკლასები. აჭარის ტურიზმის დეპარტამენტი გასტრო ფორუმს რეგიონში გასტრონომიული ტურიზმის განვითარების, საერთაშორისო გამოცდილების გაზიარებისა და აჭარული კერძების სარესტრონო ქსელებში დანერგვის მიზნით ატარებს.