ხვალ ქობულეთი ზაფხულის ფესტივალს უმასპინძლებს

ხვალ, ქობულეთში ზაფხულის ფესტივალი გაიმართება. ფერადი ღონისძიება საზაფხულო დეკორაციებით გაფორმებულ ქობულეთის ცენტრალურ პარკში გაიმართება.  მასზე დასწრება ნებისმიერ მსურველს შეეძლება. მუსიკალური პროგრამა საღამოს 6 საათზე ადგილობრივი ბენდების კონცერტით გაიხსნება. „მგზავრები“, თიკა ბალანჩინი,  “New One”, კახაბერი და ხანუმები ყველასათვის საყვარელ ჰიტებს შეასრულებენ. ფესტივალის ფარგლებში პარკშივე იფუქნციონირებს ღია კაფე-ბარები, სადაც სასმელების, ნაყინის, ხილისა და კერძების შეკვეთა იქნება შესაძლებელი. დაგეგმილია დრამებისა და ფრანების შოუ, კოსტუმირებული მსვლელობა და თოჯინების თეატრი.