"კულინარიული მოგზაურობა აჭარაში" - გზამკვლევი

„კულინარიული მოგზაურობა აჭარაში“- ასე ჰქვია გზამკვლევს, რომელშიც 110-მდე კერძია შეტანილი. წიგნი აჭარის ტურიზმის დეპარტამენტის ტურისტული პროდუქტების განვითარების სააგენტომ მოამზადა. სახელმძღვანელოში ნაკლებცნობილი და მივიწყებული კერძების, დესერტებისა და წასახემსებლების რეცეპტები, ფოტოები და კერძთან დაკავშირებული ტრადიციებია განთავსებული. კულინარიული გზამკვლევის პრეზენტაცია უკვე გაიმართა. ღონისძიებაზე წარმოდგენილი იყო ქობულეთური, ლაზური და მთიანი აჭარის კულინარიული სივრცეები, სადაც სტუმრებს ტრადიციული კერძების დაგემოვნების საშუალება ჰქონდათ.