მთა მტირალასა და სოფელ ყოროლისთავის ტურისტული განვითარება იგეგმება - დეპარტამენტი

მთა მტირალასა და სოფელ ყოროლისთავის ტურისტული განვითარება იგეგმება. ამ მიზნით, ტერიტორიების კვლევა აქტიურად მიმდინარეობს, რის შემდეგაც ტურისტული განვითარების კონცეფცია მომზადდება და სამოქმედო გეგმა შემუშავდება.

პროექტის ფარგლებში, დაგეგმილია საჭირო პროექტების მომზადება, ტურისტული ბილიკების მონიშვნა, საოჯახო სასტუმრო სახლებისა და სოფლის მეურნეობების განვითარების პროექტებზე რეკომენდაციების მომზადება.

პროგრამის განხორციელებისთვის 170 ათას 700 დოლარია გამოყოფილი. მას გაეროს განვითარების პროგრამის ფინანსური მხარდაჭერით ჰოლანდიური კომპანია ასრულებს.