მთიან აჭარაში ორ საოჯახო-სასტუმრო სახლს კარგი მასპინძლის სტატუსი მიენიჭა

მთიან აჭარაში ორ საოჯახო-სასტუმრო სახლს „სხალთას“ და „მოყვარეს“ „კარგი მასპინძლის“ სტატუსი მიენიჭა. მეპატრონეები პირველები აღმოჩნდნენ, ვინც პროექტით გათვალისწინებული ეტაპები წარმატებით გადალახეს. ობიექტები სხალთისა და მერისის ხეობებში მდებარეობს და ტურისტებს წლებია მასპინძლობენ. პროექტი "კარგი მასპინძელი” ევროპული მოდელის „Good Host“-ის ანალოგია და მიზნად ისახავს, ქალაქგარეთ გამორჩეული სტუმართმასპინძლობის, ავთენტური გარემოს, ვიზუალის მქონე საოჯახო-სასტუმროების პოპულარიზაციასა და სტიმულირებას განავითარონ ტურისტული ბიზნესი.