სამუშაო შეხვედრა აჭარაში მოქმედ თურქულენოვან გიდებსა და ტრაპიზონის რეგიონული პალატის სერტიფიცირებულ გიდებს შორის

აჭარაში მოქმედ თურქულენოვან გიდებსა და ტრაპიზონის რეგიონული პალატის სერტიფიცირებულ გიდებს შორის სამუშაო შეხვედრა გაიმართა. მიზანი გამოცდილების გაზიარება და სამომავლო თანამშრომლობაა. ადგილობრივმა გიდებმა უცხოელ კოლეგებთან ერთობლივი ტურების ჩატარებისა და პარტნიორობის შესაძლებლობები განიხილეს. შეხვედრაზე, რომელიც აჭარის ტურიზმის დეპარტამენტის ორგანიზებით გაიმართა, სტუმრებისთვის  რეგიონის ტურისტული პოტენციალის შესახებ პრეზენტაცია ჩატარდა.  შეხვედრას თურქეთის ტურისტული კომპანიების გაერთიანება TURSAB-ის აღმოსავლეთ შავი ზღვისპირეთის რეგიონული საბჭოს ხელმძღვანელიც ესწრებოდა, რომლის დაქვემდებერებაშიც 6 რეგიონის 302 ტურისტული სააგენტოა.