შეხვედრა ზაფხულის ტურისტული სეზონთან დაკავშირებით

2024 წლის I კვარტალის მონაცემით, აჭარაში დამთვალიერებლების მიერ განხორციელებული ვიზიტების რაოდენობა 850 ათასზე მეტს შეადგენს, რაც 2023 წლის ანალოგიურ მაჩვენებელთან შედარებით  +11%-ითაა გაზრდილი. ინფორმაციას ამის შესახებ აჭარის მთავრობა ავრცელებს. ზაფხულის ტურისტული სეზონის საორგანიზაციო საკითხებთან დაკავშირებით სამუშაო  შეხვედრა ტურიზმის დეპარტამენტში გაიმართა. ითქვა, რომ რეგიონი ახალ სეზონს მთელი რიგი სიახლეებით ხვდება, როგორც საგზაო ინფრასტრუქტურის, ისე სპორტული და ტურისტული ინფრასტრუქტურის მხრივ. ცნობილი ხდება, რომ ბათუმიდან ზაფხულის ტურისტულ  სეზონზე ფრენები 12 ქვეყანაში 25-ზე მეტი მიმართულებით შესრულდება.