მედიაექსპერტები "მაუწყებლობის შესახებ" კანონში შეტანილი ცვლილებების კორექტირებას ითხოვენ

მედიაექსპერტები, პარლამენტის მიერ, “მაუწყებლობის შესახებ“ კანონში შეტანილი ცვლილებების კორექტირებას და შესაბამისი საკანონმდებლო პროექტის ინიცირებას ელიან.

თემასთან დაკავშირებით, ორგანიზაციების: "მედიაომბუდსმენის", “რეგიონულ მაუწყებელთა ასოციაციის”, "საერთაშორისო გამჭვირვალობა - საქართველოს" და "ლიბერალური აკადემიის“ წარმომადგენლები, პარლამენტის თავმჯდომარეს და დარგობრივი კომიტეტის ხელმძღვანელს შეხვდნენ.

საუბარია პარლამენტის მიერ მიღებულ კანონზე, რომელიც ეხება სიძულვილის ენას, ე.წ. პასუხის უფლებას, თვითრეგულირების რეგულირების პროცესით ჩანაცვლებას. მედიაექსპერტების თქმით, პარლამენტის მიერ მიღებული ცვლილებების შეცვლასთან დაკავშირებით, ყველა მაუწყებლის პოზიცია ერთიანია.