ქვეითს, რომელსაც გუშინ, ბათუმში, მანქანა დაეჯახა, კლინიკიდან დღეს გაწერენ

ქვეითს, რომელსაც გუშინ, ბათუმში, მანქანა დაეჯახა, კლინიკიდან დღეს გაწერენ. ამის შესახებ "ბაუ საერთაშორისო ჰოსპიტალში" გვითხრეს. კლინიკის ინფორმაციით, 42 წლის ქალს სერიოზული დაზიანებები არ აღენიშნება, პაციენტი ღამით ექიმების მეთვალყურეობის ქვეშ იყო, სამედიცინო დაწესებულებიდან კი მალე გაეწერება.

შეგახსენებთ, მანქანა ქვეითად მოსიარულე ქალს გუშინ, საღამოს 9 საათზე დაეჯახა. შემთხვევა ბაგრატიონის ქუჩაზე მოხდა.

შსს-მ ფაქტზე გამოძიება სსკ-ის 276 მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.